8. Dei åt og vart mette. Etterpå samla dei opp brødstykka som var til overs, sju store korger.
9. Det var omkring fire tusen menneske der. Og han lét dei dra heim.
10. Straks etter gjekk han i båten med læresveinane og kom til bygdene ved Dalmanuta.
11. No kom farisearane og gav seg i ordskifte med Jesus. Dei ville setja han på prøve og bad om eit teikn frå himmelen.
12. Då sukka han djupt og sa: «Kvifor krev denne slekta eit teikn? Sanneleg, eg seier dykk: Denne slekta skal aldri få noko teikn.»
13. Dermed gjekk han frå dei, steig i båten og drog over til andre sida.
14. Men læresveinane hadde gløymt å ta med brød. Dei hadde berre eit einaste brød med seg i båten.