26. Så førte dei han bort. På vegen greip dei fatt i ein mann som kom inn frå markene, Simon frå Kyréne. Og dei la krossen på Simon for at han skulle gå bak Jesus og bera.
27. Ein stor folkehop følgde med, og mellom dei var det mange kvinner som jamra og gret over han.
28. Men Jesus snudde seg til dei og sa: «Jerusalems døtrer! Gråt ikkje over meg, men gråt over dykk sjølve og borna dykkar.
29. For det kjem dagar då folk skal seia: ‘Lukkelege er dei barnlause, dei morsliv som ikkje har fødd, og dei bryst som ikkje har gjeve die!’
30. Då skal dei seia til fjella: ‘Fall over oss!’ Og til haugane: ‘Løyn oss!’
31. For gjer dei slik med det grøne treet, korleis skal det då gå med det tørre?»
32. To andre forbrytarar vart òg førte bort og skulle avrettast saman med Jesus.