23. Men han merka baktankane deira og sa til dei:
24. «Vis meg ein denar! Kven har biletet og namnet sitt på denne?» «Keisaren», svara dei.
25. Då sa han til dei: «Så gjev då keisaren det som høyrer keisaren til, og Gud det som høyrer Gud til.»
26. Dei greidde ikkje å setja han fast i noko av det han sa medan folket høyrde på; dei berre undra seg over svaret og tagde.
27. Så kom det nokre saddukearar til Jesus; det er dei som nektar for at det finst ei oppstode. Og dei la fram for han dette spørsmålet:
28. «Meister, Moses har gjeve oss denne forskrifta: Om ein gift mann døyr og han ikkje har born, skal bror hans gifta seg med enkja og halda oppe ætta til bror sin.
29. No var det sju brør. Den første tok seg ei kone, men døydde barnlaus.
30. Så gifte den andre seg med henne,
31. og så den tredje, og på same måten alle sju, men alle døydde dei barnlause.
32. Til sist døydde kvinna òg.