6. Mot deg åleine har eg synda,det som er vondt i dine auge, har eg gjort.Difor har du rett når du talar,du er rein når du feller dom.
7. Ja, med skuld vart eg fødd,med synd vart eg til i mors liv.
8. Sjå, du gler deg over sanning i mitt indre,du lærer meg visdom i det løynde.
9. Ta bort mi synd med isop, så eg blir rein,vask meg, så eg blir kvitare enn snø.
10. Lat meg få oppleva fryd og glede,lat beina du knuste, få jubla.
11. Løyn ditt andlet for mine synder,stryk ut all mi skuld!
12. Gud, skap i meg eit reint hjarte,gjev meg ei ny og stødig ånd!
13. Driv meg ikkje bort frå ditt andlet,ta ikkje frå meg din heilage Ande!
14. Gjev meg atter gleda over di frelse,hald meg oppe med ei villig ånd!
15. Eg vil læra brotsmenn dine vegar,syndarar skal venda om til deg.