15. Tenarane dine elskar steinane i Sion,dei lid med henne som ligg i grus.
16. Folkeslag skal frykta Herrens namn,alle kongane på jorda din herlegdom.
17. For Herren vil byggja opp att Sionog syna seg i sin herlegdom.
18. Han lyttar når den nakne bed,han foraktar ikkje deira bøn.
19. Dette skal skrivast ned for den komande slekt,eit nyskapt folk skal prisa Herren.
20. Han ser ned frå si heilage høgd.Frå himmelen ser Herren mot jorda
21. for å høyra sukket frå fangane,løysa dei som var dømde til døden.
22. Herrens namn skal forkynnast i Sion,hans lov og pris i Jerusalem
23. når folk og kongerike samlar segfor å tena Herren.
24. Han har brote ned min styrke på vegenog forkorta livet mitt.
25. Eg seier: Min Gud, ta meg ikkje bort midt i livet!Dine år varer i slekt etter slekt.
26. Du grunnla jorda i gammal tid,himmelen er eit verk av dine hender.
27. Dei skal gå til grunne, men du blir verande.Dei blir slitne ut som klede,du skifter dei ut, og dei er borte.
28. Men du er den same,åra dine tek aldri slutt.