7. Den rike er herre over dei fattige,den som låner, blir slave under långjevaren.
8. Den som sår urett, haustar vondskap,riset han bruker i sinne, blir øydelagt.
9. Den som har auge for å gjera godt, blir velsigna,for han deler sitt brød med den fattige.
10. Jag spottaren ut, så går krangelen med,strid og skam får ein ende.
11. Den som elskar eit reint hjarteog har milde ord på leppene,får kongen til ven.
12. Herrens auge vaker over kunnskapen,men svikarens ord gjer han til inkjes.
13. Den late seier: «Det er ei løve der ute,eg kunne bli drepen midt på torget!»
14. Munnen til framand kvinne er ei djup grav,den Herren er harm på, fell nedi.
15. Dumskap høyrer ungdomen til,riset kan oppdra og driva dumskapen bort.
16. Den som undertrykkjer fattige for sjølv å bli rik,og den som gjev gåver til rike,lid berre tap.
17. Legg øyret til og høyr orda frå dei vise,legg deg på hjartet den kunnskapen eg gjev.
18. Det er godt å ta vare på dei i sitt indreog alltid ha dei på leppene.
19. For deg kunngjer eg dei i dag,så du kan setja di lit til Herren.
20. Ja, eg har skrive opp tretti ordtak for degmed kloke råd