10. Sæl er den rettferdige,for det går han godt,og han skal nyta frukta av sine gjerningar.
11. Ve den urettferdige, han går det ille,han får att for det han har gjort.
12. Folket mitt blir undertrykt av småborn,og kvinner herskar over det.Mitt folk, leiarane dine villeier degog fører deg på villspor.
13. Herren stig fram for å føra sak,han står opp for å dømma folka.
14. Herren held rettargangmed dei eldste og stormennene i folket sitt.«Det er de som har beitt vingarden snau,det er rov frå dei fattige i husa dykkar!
15. Kvifor knuser de mitt folkog mel sund andleta til dei hjelpelause?»seier Herren, allhærs Gud.
16. Herren har sagt:Fordi Sions døtrer er stolteog går med kneisande nakke,blunkar med auga,trippar omkringog ringlar med fotringane sine,
17. vil Herren la Sions døtrerfå hovudet fullt av skurv,og Herren vil snaua skallane deira.
18. Den dagen skal Herren ta frå dei all stas: fotringane, solsmykka og halvmånane,
19. øyredobbane, armbanda og sløra,
20. turbanane, fotkjedene og belta, amulettane og talismanane,
21. fingerringane og naseringane,
22. festkleda, kåpene, sjala og veskene,
23. speglane, linskjortene, hovudplagga og skjerfa.
24. Då blir det stank i staden for godlukt,reip i staden for belte,fleinskalle i staden for frisyre,sekkestrie i staden for stasklede,svimerke i staden for venleik.