6. I sju dagar skal du eta usyra brød, og den sjuande dagen skal det vera høgtid for Herren.
7. Alle dei sju dagane skal du eta usyra brød. Det må ikkje finnast noko som er syra hos deg, i heile landet må det ikkje finnast nokon surdeig.
8. Den dagen skal du fortelja son din: «Dette er til minne om det Herren gjorde for meg då eg drog ut frå Egypt.»
9. Du skal ha det som eit merke på handa og eit minneteikn på panna, så Herrens lov kan vera på leppene dine. For med sterk hand førte Herren deg ut frå Egypt.
10. Denne forskrifta skal du halda til fastsett tid, år etter år.
11. Når Herren har ført deg inn i Kanaan, slik han lova deg og fedrane dine, og gjev deg landet,
12. då skal du bera fram for Herren alt det som opnar morslivet. Alt det første som blir fødd i buskapen din, og som er av hannkjønn, høyrer Herren til.