20. Då han så drog til Siklag, gjekk nokre frå Manasse over til han. Det var Adna, Josabad, Jediael, Mikael, Josabad, Elihu og Silletai. Dei var førarar for dei tusen som høyrde Manasse til.
21. Dei hjelpte David mot røvarflokkane, for dei var djerve krigarar alle saman, og dei vart hærførarar.
22. Dag etter dag kom det folk til David og ville hjelpa han. Til sist vart det ein veldig hær.
23. Dette er talet på dei våpenføre mennene som kom til David i Hebron og ville føra kongedømet over frå Saul til David, så som Herren hadde sagt.
24. Av Juda-stammen, menn som bar skjold og spyd, 6800 våpenføre menn,
25. av Simon-stammen 7100 tapre krigarar;
26. av Levi-stammen 4600 mann,
27. dessutan Jojada, føraren for aronittane, med 3700 mann,