41. På same måten gjorde overprestane narr av han saman med dei skriftlærde og dei eldste og sa:
42. «Andre har han frelst, seg sjølv kan han ikkje frelsa. Han er då Israels konge; lat han stiga ned av krossen, så skal vi tru på han.
43. Han har sett si lit til Gud; lat no Gud berga han, om han har hugnad i han. Han har då sagt: Eg er Guds Son.»
44. Og røvarane som var krossfeste saman med Jesus, spotta han på same måten.
45. Frå den sjette timen låg det mørker over heile landet alt til den niande timen.
46. Og kring den niande timen ropa Jesus med høg røyst: «Elí, Elí, lemá sabaktáni?» Det tyder: «Min Gud, min Gud, kvifor har du forlate meg?»
47. Nokre som stod der, høyrde det og sa: «Han ropar på Elia.»