22. «Ofte har ånda kasta han både i eld og vatn for å gjera ende på han. Men kan du gjera noko, så ha medynk med oss og hjelp oss!»
23. «Om eg kan?» svara Jesus. «Alt er mogeleg for den som trur.»
24. Straks ropa far til guten: «Eg trur, hjelp meg i mi vantru!»
25. Då Jesus såg at folket strøymde til, truga han den ureine ånda og sa: «Du mållause og døve ånd, eg byd deg: Far ut or han, og far aldri meir inn i han!»
26. Då skreik ho høgt, reiv hardt i han og fór ut. Guten låg som livlaus, og mange sa at han var død.
27. Men Jesus tok han i handa og reiste han opp, og han stod opp.