1. Skriv til engelen for kyrkjelyden i Efesos:Dette seier han som held dei sju stjernene i si høgre hand, han som går omkring mellom dei sju gull-ljosestakane:
2. Eg veit om gjerningane dine; du har arbeidt, og du har halde ut. Eg veit òg at du ikkje kan tola dei vonde. Du har prøvt dei som kallar seg apostlar, men ikkje er det, og du har funne at dei er lygnarar.
3. Du har halde ut, og du har tolt mykje for mitt namn skuld og ikkje gått trøytt.
4. Men det har eg imot deg at du har gjeve opp din fyrste kjærleik.
5. Kom i hug kvar du stod før du fall! Vend om og gjer på nytt dei fyrste gjerningane dine! Elles kjem eg over deg og tek ljosestaken din bort – om du ikkje vender om.
6. Men den ros skal du ha, at du hatar gjerningane åt nikolaittane, som eg sjølv gjer.