1. To år etter hende det at farao hadde ein draum. Han tykte han stod nedmed Nilen.
2. Då steig det opp or elva sju kyr, fine å sjå til og godt i hold, og dei gav seg til å beita i elvegraset.
3. Etter dei kom det sju andre kyr opp or elva, stygge å sjå til og ringt i hold. Dei vart ståande attmed dei fyrste kyrne på elvebakken.
4. Og dei stygge, magre kyrne åt opp dei sju fine og feite. Då vakna farao.
5. Men så sovna han att og hadde ein draum til. No såg han sju tjukke, gode aks som voks på eitt og same strået.
6. Etter dei skaut det opp sju andre aks, som var tynne og svidne av austavinden.