30. Тие му одговорија: „Да не беше Овој човек злосторник, зар ќе ти го доведовме!?“
31. Но Пилат им рече: „Земете Го и судете Му според вашиот Закон!“ „Нам не ни е дозволено да извршуваме смртна пресуда над никого“ - му рекоа Евреите.
32. Така започна да се исполнува она што го рече Исус за начинот на кој Тој ќе умре.
33. Тогаш Пилат се врати во палатата, Го повика Исуса, и Го праша: „Ти ли си царот на Евреите?“
34. Исус одговори: „Од тебе ли потекнува ова прашање, или други ти кажувале за Мене?“
35. „Зар сум јас Евреин?“ - одговори Пилат. „Твојот народ и свештеничките поглавари Те предадоа кај мене. Што си сторил?“
36. Исус одговори: „Моето царство не е од овој свет. Да беше Моето царство од овој свет, Моите следбеници ќе се бореа да не им паднам во рацете на еврејските верски водачи. Не, Моето царство не е одовде.“