12. Откако им ги изми стапалата и ја облече наметката, Исус повторно седна и им рече: „Сфаќате ли што направив за вас?
13. Ме нарекувате Учител и Господ, и со право така велите, зашто Јас навистина сум тоа.
14. Кога Јас, вашиот Господ и Учител, ви ги измив стапалата, тогаш и вие треба да си ги миете стапалата еден на друг.
15. Јас ви дадов пример за да постапувате и вие како што Јас постапив со вас.
16. Ве уверувам дека слугата не е поголем од господарот, ниту пратеникот од оној што го испратил.
17. Штом ги знаете овие работи, благословени ќе бидете ако ги извршувате.