5. тогаш ќе го разбереш Господовиот страв и ќе го најдеш знаењето за Бога.
6. Зашто Господ дава мудрост, од Неговата уста доаѓа знаењето и разумот.
7. Тој им ја укажува Својата помош на праведните, штит им е на оние што одат непорочно.
8. Зашто Тој ги штити патиштата на правдата и го чува патот на Своите свети.
9. Тогаш ќе ги сфатиш: правдата, правосудството и верноста, а и секој добар пат.