1. Павле, апостол на Христа Исуса по Божја волја, според ветениот живот во Христа Исуса,
2. до Тимотеј, возљубеното чедо: благодат, милост и мир од Бог Таткото и Христа Исуса, нашиот Господ.
3. Му благодарам на Бога Кому Му служам уште од моите прародители со чиста совест, спомнувајќи те постојано - ноќе и дење - во своите молитви;
4. а кога ќе си спомнам за твоите солзи, копнеам да те видам, да се исполнам со радост;
5. кога си спомнувам за нелицемерната вера која е во тебе, која прво се наоѓаше во твојата баба Лоида и во мајка ти Евника, а уверен сум и во тебе.