1. Le, i mara nma, eyìm, le, i mara nma;Anya-gi abua di ka nduru n'azu ákwà-nkpuchi-gi:Agiri-isi-gi di ka ìgwè ewu,Nke nēdina ala n'akuku ugwu Gilead.
2. Ezé-gi di ka ìgwè nne-aturu nke akpachaworo aji-ha ọhu,Nke siworo n'isa-aru rigota;Nke ha nile chi umu abua umu abua,Ọ dighi kwa nke b͕a aka nwa n'etiti ha.
3. Dika ogho uhie ka eb͕ub͕ere-ọnu-gi abua bu,Okwu-ọnu-gi ma-kwa-ra nma:Dika iberibe pomegranate ka akuku egedege-iru-gi buN'azu ákwà-nkpuchi-gi.
4. Dika ulo-elu Devid, nke ewuru idebe ihe-agha, otú a ka olu-gi di,Nke ekobeworo nnù ọta abua na ọgu iri,Bú ọta ntà nile nke ndi-dike.