37. Hulle moes ook sorg vir die pale van die binnehof rondom die tent, hulle voetstukke, hulle ankerpenne en hulle tenttoue.
38. Moses, Aäron en sy seuns wat namens die Israeliete by die tabernakel diens moes doen, het aan die oostekant van die heiligdom gebly, aan die kant waar die son opkom. Hulle moes die heiligdom oppas. Enigiemand anders wat daar gekom het, moes doodgemaak word.
39. Al die manlike persone uit Levi wat Moses en Aäron op bevel van die Here getel het, was altesaam 22 000.
40. Toe sê die Here vir Moses: “Tel nou al die eersgebore seuns onder die Israeliete wat ouer as ’n maand is. Skryf hulle name op.