13. Al die seuns wat eerste gebore word, behoort mos aan My. Sedert Ek al die oudste seuns van die Egiptenaars doodgemaak het, het Ek die eerste een wat van mense en diere gebore word in Israel vir Myself opgeëis. Hulle behoort aan My.”
14. Die Here sê toe verder vir Moses daar in die woestyn:
15. “Tel die Leviete volgens hulle familiename en stamgroepe. Tel al die manlike persone van ’n maand en ouer.”
16. Hy het gemaak soos die Here vir hom gesê het en hulle getel.
17. Levi het drie seuns gehad: Gerson, Kehat en Merari.
18. Die afstammelinge van Gerson was Libni en Simi.
19. Die Kehatgroep se nageslag was Amram, Jishar, Hebron en Ussiël.
20. Merari se mense was Magli en Musi. Dit was al Levi se afstammelinge.
21. Die Gersoniete het bestaan uit die familiegroepe van Libni en Simi.
22. Hulle manspersone ouer as ’n maand wat getel is, was altesaam 7 500.
23. Hierdie groep het aan die westekant van die tabernakel gebly.
24. Eljasaf seun van Lael was hulle leier.