Ou Testament

Nuwe Testament

Markus 4:2-8 Nuwe Lewende Vertaling (NLV)

2. Hy het hulle toe breedvoerig deur middel van gelykenisse onderrig. Hier volg ’n tipiese gelykenis:

3. “Luister nou goed,” het Jesus gesê. “’n Boer het eendag lande toe gegaan om te saai.

4. In die saaiproses het party van die saad op ’n voetpaadjie geval en die voëls het dit kom oppik.

5. ’n Ander deel het weer op klipperige aarde sonder enige diepte geval. As gevolg van die vlak grond het dit vinnig opgeskiet.

6. Maar toe die son warm begin bak, het dit verlep en omdat dit nie diep wortelgeskiet het nie, het dit toe heeltemal verdroog.

7. Nog ’n deel het tussen die dorings geval. Toe die dorings opkom, het dit die koring verstik en dit het geen oes voortgebring nie.

8. Nog ander saad het op goeie grond geval. Dit het opgekom, gegroei en ’n oes voortgebring – tot 30 en 60 en 100 maal wat oorspronklik gesaai is.

Lees volledige hoofstuk Markus 4