3. Shimshon het toe vir hulle gesê: “Hierdie keer sal ek skuldloos wees teenoor die F’lishtyne wanneer ek hulle kwaad aandoen.”
4. Shimshon het gegaan en drie honderd jakkalse gevang, hulle stert teen stert gedraai en fakkels gevat en ’n fakkel in die middel tussen twee sterte gesit.
5. Toe hy die fakkels aan die brand gesteek het, het hy die jakkalse in die ongesnyde graan van die F’lishtyne losgelaat en so die miedens sowel as die ongesnyde graan, saam met die wingerde en olyfboorde aan die brand gesteek.
6. Toe vra die F’lishtyne: “Wie het dit gedoen?” Hulle sê: “Shimshon, die skoonseun van die man van Timnah omdat dié sy vrou gevat en haar vir sy metgesel gegee het.” Die F’lishtyne het opgegaan en haar en haar vader met vuur verbrand.
7. Shimshon sê vir hulle: “Aangesien julle so optree, sal ek my sekerlik op julle wreek, maar daarna sal ek ophou.”