1. So sê יהוה: “Oor drie oortredinge van Mo’av, oor vier, sal Ek dit nie herroep nie omdat hy die beendere van die koning van Edom tot kalk verbrand het.
2. Ek sal vuur op Mo’av stuur en dit sal die kastele van K’riot verteer en Mo’av sal te midde van opskudding sterf, met oorlogsuitroepe en die klank van die ramshoring.
3. Ek sal die regter uit haar midde uitsny en al haar prinse saam met haar neerslaan,” sê יהוה.
4. So sê יהוה: “Oor drie oortredinge van Y’hudah, oor vier, sal Ek dit nie herroep nie omdat hulle die wet van יהוה verwerp het en nie Sy instellings onderhou het nie; hulle leuens het hulle ook verlei, dié waar agter hulle vaders aangeloop het.
5. Ek sal vuur op Y’hudah stuur en dit sal die kastele van Yerushalayim verteer.”
6. So sê יהוה: “Oor drie oortredinge van Yisra’el, oor vier, sal Ek dit nie herroep nie omdat hulle die onpartydige en opregte vir silwer verkoop het en die behoeftige vir ’n paar sandale;Lev 18
7. hulle wat smag na die stof van die aarde op die kop van die hulpelose en ook die pad van die nederiges wegdraai en ’n man en sy vader wat na die selfde jongmeisie gaan om My afgesonderde Naam te onteer.