5. Hulle klink soos strydwaens wat op pad is na die slagveld toe wanneer hulle oor die bergtoppe beweeg. Hulle knetter soos droë gras in ’n veldbrand. Hulle lyk net soos ’n magtige leër wat besig is om saam te trek voor die groot geveg.
6. Nasies bewe voor hulle van angs. Almal word bleek van benoudheid!
7. Hulle val aan soos sterk soldate en klim oor die stadsmure soos opgeleide troepe. Hulle ken net een pad en dit is reguit vorentoe. Nie een van hulle verander van koers
8. of kom in die ander een se pad nie. Hulle weet presies wat om te doen. Hulle breek deur elke verdediging asof dit nie bestaan nie. Daar is niks wat hulle kan keer nie.
9. Hulle loop die stad plat en hardloop oor al die mure; hulle klouter soos diewe deur die vensters.
10. Die aarde bewe van skrik wanneer hulle aankom en die hemel sidder; dit word pikdonker rondom hulle; dit lyk of die son en die maan nie meer skyn nie en of die sterre al hulle glans verloor het.