12. Die Here het dit toe met Job beter laat gaan as voorheen. Job het 14 000 skape en bokke, 6 000 kamele, 2 000 beeste en 1 000 donkies gekry.
13. Hy het ook weer sewe seuns en drie dogters gekry.
14. Hy het die oudste dogter Jemima genoem, die tweede dogter Kesia en die derde dogter Keren-Happuk.
15. Nie een van die vroue in die land was so mooi soos Job se dogters nie. Hulle pa het vir hulle ook grond gegee, soos vir hulle broers.
16. Job het toe nog 140 jaar gelewe. Hy het sy nageslag gesien tot in die vierde geslag.
17. Job was ’n ou man toe hy gesterf het.