1. Isak het vir Jakob geroep en hy het hom geseën en gegroet. Hy het vir hom gesê: “Jy mag nie trou met ’n meisie van Kanaän nie.
2. Jy moet na die land Paddan-Aram gaan, na jou oupa Betuel se familie toe, jy moet met een van die dogters van jou oom Laban trou.
3. God die Almagtige sal jou seën. Hy sal jou vrugbaar maak en Hy sal vir jou ’n groot nageslag gee. Jy sal die voorvader van ’n baie groot volk word.
4. God sal jou seën soos Hy vir Abraham geseën het. Hy sal jou en ook jou nageslag seën. Hy sal vir jou die land gee waar jy nou ’n vreemdeling is. Dit is die land wat Hy vir Abraham gegee het. Dit sal jou land wees.”