5. Dit is dieselfde met die tong: Die tong is ’n klein deeltjie van die liggaam, maar hy spog dat hy groot dinge kan doen. ’n Klein vuurvlammetjie kan ’n groot bos aan die brand steek!
6. Die tong is soos ’n vuur wat brand. Die tong is een van die dele van die liggaam, maar dit is ook soos ’n hele wêreld vol verkeerde dinge. Dit maak die hele liggaam vuil. Dit steek ’n mens se hele lewe aan die brand, van die begin tot die einde, en die tong se vuur kom reguit van die hel.
7. Want ’n mens kan al die verskillende soorte wilde diere en voëls mak maak, ook diere wat kruip en seediere. Die mense hét hulle al klaar mak gemaak.