11. In elk geval, of dit ek is of hulle — dit is wat ons verkondig, en dit is wat julle geglo het.
12. As ons dan verkondig dat Christus uit die dood opgewek is, hoe kan party van julle nog beweer dat daar geen opstanding van die dooies is nie?
13. As daar geen opstanding van die dooies is nie, beteken dit dat Christus ook nie opgewek is nie.
14. En as Christus nie opgewek is nie, is ons prediking sonder inhoud en julle geloof ook sonder inhoud.
15. Verder sou dit beteken dat ons vals getuienis oor God afgelê het, omdat ons teen God in getuig het dat Hy Christus opgewek het. As dit dan waar is dat die dooies nie opgewek word nie, het Hy Christus ook nie opgewek nie.
16. As die dooies nie opgewek word nie, is Christus ook nie opgewek nie.
17. En as Christus nie opgewek is nie, is julle geloof waardeloos en is julle nog gevange in julle sondes.