15. En toe hy klaar was met die mate van die binneste huis, het hy my na die poort toe uitgebring waarvan die voorkant na die ooste lê, en dit gemeet al rondom.
16. Hy het die oostekant met die meetroede gemeet: vyfhonderd roede, met die meetroede rondom.
17. Hy het die noordekant gemeet: vyfhonderd roede, met die meetroede rondom.
18. Die suidekant het hy gemeet: vyfhonderd roede, met die meetroede.
19. Hy het hom begewe na die westekant en gemeet: vyfhonderd roede, met die meetroede.
20. Hy het dit aan vier kante gemeet; dit het ’n muur gehad al rondom; die lengte was vyfhonderd en die breedte vyfhonderd, om skeiding te maak tussen wat heilig en onheilig is.