1. OLUWA, iwọ ti nṣe oju rere si ilẹ rẹ: iwọ ti mu igbekun Jakobu pada bọ̀.
2. Iwọ ti dari aiṣedede awọn enia rẹ jì, iwọ ti bò gbogbo ẹ̀ṣẹ wọn mọlẹ.
3. Iwọ ti mu gbogbo ibinu rẹ kuro: iwọ ti yipada kuro ninu gbigbona ibinu rẹ.
4. Yi wa pada, Ọlọrun igbala wa, ki o si mu ibinu rẹ si wa ki o dá.
5. Iwọ o binu si wa titi lai? iwọ o fà ibinu rẹ jade lati irandiran?
6. Iwọ kì yio tun mu wa sọji: ki awọn enia rẹ ki o ma yọ̀ ninu rẹ?
7. Oluwa fi ãnu rẹ hàn fun wa, ki o si fun wa ni igbala rẹ.