1. OLUWA ní kí n sọkún tẹ̀dùntẹ̀dùn nítorí àwọn olórí Israẹli,
2. kí n sọ pé:Abo kinniun pataki ni ìyá rẹ láàrin àwọn kinniun!Ó dùbúlẹ̀ láàrin àwọn ọ̀dọ́ kinniun,ó ń tọ́jú àwọn ọmọ rẹ̀.
3. Ó tọ́ ọ̀kan ninu àwọn ọmọ rẹ̀ dàgbà;ó di ọ̀dọ́ kinniun.Ó kọ́ ọ bí wọ́n tí ń ṣe ọdẹ,ó sì ń pa eniyan jẹ.
4. Àwọn eniyan ayé gbọ́ nípa rẹ̀,wọ́n tàn án sinu kòtò wọn.Wọ́n fi ìwọ̀ kọ́ ọ nímú,wọ́n sì fà á lọ sí ilẹ̀ Ijipti.
5. Nígbà tí abo kinniun náà rí i pé ọwọ́ tẹ ọmọ òun,ati pé igbẹkẹle òun ti dòfo,ó mú òmíràn ninu àwọn ọmọ rẹ̀,ó tọ́ ọ di ọ̀dọ́ kinniun.