1. Jóòbù wá dahùn, ó sì wí pé:
2. “Ẹ tẹ́tí silẹ̀ dẹdẹ sì àwọn ọ̀rẹ́ mi,kí èyí kí ó jásí ìtùnú tí ó fún mi.
3. Ẹ jọ̀wọ́ mi ki èmi sọ̀rọ̀; lẹ́yìn ìgbàtí mo bá sọ tán, ìwọ máa fi ṣẹ̀sín ń ṣo.
4. “Bí ó ṣe tí èmi ni, àròyé mi iṣe sí ènìyàn bí?Tàbí èétíṣe tí ọkàn mi kì yóò fi ṣe àìbalẹ̀?
5. Ẹ wò mí fín, kí ẹnu kí ó sì yà yín,kí ẹ sì fi ọwọ́ lé ẹnu yín.
6. Àní nígbà tí mo rántí, ẹ̀rù bà mí,ìwárìrì sì mú mi lára.
7. Nítorí kí ní ènìyàn búburú fi wà níayé, tí wọ́n gbó, àní tí wọ́n di alágbára ní ipa?
8. Irú ọmọ wọn fi ìdí kalẹ̀ ní ojúwọn pẹ̀lú wọn, àti ọmọ-ọmọ wọn ní ojú wọn.
9. Ilé wọn wà láìní ewu àti ẹ̀rù, bẹ́ẹ̀ni ọ̀pá iná Ọlọ́run kò sí lára wọn.