22. Bakubon' ukuba bayadla, uYesu wathabatha isonka, wasikelela, waqhekeza, wabanika, wathi, Thabathani nidle; ngumzimba wam lo.
23. Wayithabatha nendebe, wabulela, wabanika; basela kuyo bonke.
24. Wathi kubo, Ligazi lam eli lomnqophiso omtsha, eliphalala ngenxa yabaninzi.
25. Inene ndithi kuni, Andisayi kubuya ndisele esiqhameni somdiliya, kude kube yiloo mini sukuba ndisisela sisitsha ebukumkanini bukaThixo.
26. Bakuba bevume ingoma yokubonga, baphuma baya eNtabeni yemiNquma.
27. Athi kubo uYesu, Nonke niya kukhubeka kum ngobu busuku; ngokuba kubhaliwe kwathiwa, Ndiya kubetha kumalusi, zichithwachithwe izimvu.
28. Ke emveni kokuvuka kwam, ndiya kunandulela, ndiye kwelaseGalili.