3. Ngokuba utshaba luwusukele umphefumlo wam,Lubutyumzèle emhlabeni ubomi bam;Lundihlalise ezindaweni ezimnyama, njengabafe ngonaphakade.
4. Utyhafile phakathi kwam umoya wam;Imangalisiwe phakathi kwam intliziyo yam.
5. Ndikhumbula imihla yamandulo;Ndicamngca ngemisebenzi yakho yonke,Ndicamngca ngesenzo sezandla zakho.
6. Ndizolulela kuwe izandla zam,Umphefumlo wam ukungxamele njengelizwe elibharhileyo. (Phakamisani.)
7. Khawuleza undiphendule, Yehova; úyaphela umoya wam.Musa ukubusithelisa kum ubuso bakho,Ndifàne nabahla baye emhadini.
8. Ndívise kwakusasa inceba yakho,Ngokuba ndikholose ngawe.Ndazise indlela endiya kuhamba ngayo:Ngokuba ndiwuphakamisela kuwe umphefumlo wam.
9. Ndíhlangule ezintshabeni zam, Yehova.Ndizímela ngawe.Ndífundise ukwenza ikholo lakho, ngokuba unguThixo wam.
10. UMoya wakho olungileyo makandikhaphele ezweni elisithabazi.
11. Ngenxa yegama lakho, Yehova, ndiphilise;Wúkhuphe embandezelweni umphefumlo wam ngobulungisa bakho.
12. Ngenceba yakho zibhangise iintshaba zam,Ubatshabalalise bonke abawubandezelayo umphefumlo wam,Ngokuba ndingumkhonzi wakho.