10. UNdikhoyo ngumqolomba:bazimela kuye abalungisayo, basinde.
11. Izinhanha zicinga ukuba ubutyebi yinqaba yazo;kuzo ngathi buludonga oluphakamileyo lokuzifihla.
12. Ikratshi lomntu lilandelwa yintshabalalo;ke lona udumo lukhokelwa yintobeko.
13. Ophendula engevanga kuqalabubudenge obo kuye nehlazo.
14. Umoya onganikezeliyo wenza ukuba umntu amelane nokufa.Ke wona umxhelo xa uwile ngubani ongawuvuselelayo?
15. Umntu onengqiqo ufunana nolwazi;ewe, iindlebe zezilumko zibazele lona.
16. Xa ufuna ukuviwa ngabo basemagunyeniphatha umngena-ndlwini xa uya kubo.
17. Intetho yommangali etyaleni iba ngathi iyavakala,xa engekaphicothwa ngemibuzo.
18. Liphelisa ingxabano *iqashiso,libahlule abantu abanamandla.
19. Isizalwana esikhutyekisiweyo silukhuni ngaphezu kwesixeko esinqatyisiweyo;ingxabano yabazalanayo injengemivalo yamasango enqaba.
20. Umntu uzalisa iphango lakhe ngeziqhamo zokuthetha kwakhe;uhlutha sisivuno somlomo wakhe.
21. Ukuthetha komntu kulawula ukuphila nokufa;ke othetha kakhulu uvuna iziqhamo zaloo nto.
22. Umntu ofumene umfazi uzuze okulungileyo;ewe, ufumene okukholekileyo kuNdikhoyo.