29. Kur po dilnin nga Jerikoja, Jezuin po e ndiqte një turmë e madhe.
30. Dy të verbër që rrinin ulur në anë të rrugës, kur dëgjuan se po kalonte Jezui, bërtitën: «Ki mëshirë për ne, o Zot, Biri i Davidit!».
31. Turma i qortoi që të heshtnin, por ata bërtitën edhe më fort: «Ki mëshirë për ne, o Zot, Biri i Davidit!».
32. Jezui ndaloi, i thirri e u tha: «Çfarë doni të bëj për ju?».
33. Ata i thanë: «Zot, duam të na hapen sytë!».
34. Jezui ndjeu dhembshuri për ta e u preku sytë. Atyre iu kthye menjëherë shikimi dhe shkuan pas tij.