6. Kështu, ata nuk janë më dy, por një trup i vetëm. Prandaj, atë që ka bashkuar Perëndia, njeriu të mos e ndajë!».
7. Ata i thanë: «Atëherë, përse urdhëroi Moisiu t’i jepet gruas letra e ndarjes dhe të lihet?».
8. Jezui u tha: «Moisiu ju lejoi të ndaheni prej grave tuaja për shkak të ngurtësisë së zemrave tuaja, por në fillim nuk ka qenë kështu.
9. Unë po ju them se kushdo që e ndan gruan e vet, përveç rastit të kurvërisë dhe martohet me një grua tjetër, bën tradhti bashkëshortore».
10. Dishepujt i thanë: «Nëse ndodh kështu me një burrë e një grua, atëherë është më mirë të mos martohet njeri».
11. Por ai u tha: «Jo të gjithë mund t’i kuptojnë këto fjalë, por vetëm ata të cilëve u ka dhënë aftësinë Perëndia.