1. Jezui po lutej në një vend. Kur mbaroi, njëri nga dishepujt i tha: «Zot, na mëso të lutemi, sikurse Gjoni mësoi dishepujt e vet».
2. Ai u tha: «Kur të luteni thoni:Atë, u shenjtëroftë emri yt,ardhtë mbretëria jote!
3. Bukën tonë të përditshmena e jep çdo ditë
4. e na i fal mëkatet tona,sepse edhe ne ua falim fajtorëve tanë.E mos na shtjer në tundim».
5. Pastaj u tha:«E zëmë se njëri nga ju ka një mik, shkon tek ai në mesnatë e i thotë: “Mik, m’i jep tri bukë,
6. se më ka ardhur një miku im e nuk kam asgjë për t’i vënë përpara.”
7. E ai përgjigjet nga brenda: “Mos më shqetëso! Tani e kam mbyllur derën dhe kemi rënë në gjumë edhe unë, edhe fëmijët. Nuk mund të çohem për të të dhënë gjë.”
8. Unë po ju them se edhe pse nuk do të çohet për t’i dhënë gjë ngaqë e ka mik, do të çohet për t’i dhënë aq sa ka nevojë të paktën për shkak të këmbënguljes së tij.
9. Dhe unë po ju them: lypni e do t’ju jepet; kërkoni e do të gjeni; trokitni e do t’ju hapet,
10. sepse kush lyp, merr; kush kërkon, gjen dhe atij që troket, do t’i hapet.
11. A ka ndër ju ndonjë baba që do t’i jepte fëmijës së vet, që i kërkon peshk, gjarpër në vend të peshkut?
12. Ose, nëse fëmija i lyp vezë, do t’i jepte një akrep?
13. Nëse ju që jeni të këqij, dini t’u jepni fëmijëve tuaj gjëra të mira, aq më shumë Ati juaj do t’ua japë prej qiellit Shpirtin e Shenjtë atyre që ia kërkojnë!».