8. Ndërsa Zakaria po kryente shërbesën e tij priftërore, para Perëndisë, kur ishte radha e kastës së tij,
9. sipas zakonit të shërbesës priftërore, i ra shorti të hynte në shenjtëroren e Zotit për të djegur temjanin.
10. Ndërsa digjej temjani, tërë populli lutej përjashta.
11. Zakarisë iu shfaq engjëlli i Zotit, i cili rrinte në të djathtë të altarit të temjanit.
12. Kur e pa, Zakaria u trondit dhe e pushtoi frika.
13. Por engjëlli i tha:«Mos ki frikë, Zakari, se lutja jote është dëgjuar dhe Elizabeta, gruaja jote, do të të lindë një djalë dhe ti do t’ia vësh emrin Gjon.
14. Do të gëzohesh e do të ngazëllehesh dhe shumë veta do t’i gëzohen lindjes së tij.
15. Ai do të jetë i madh para Zotit dhe nuk do të pijë verë dhe as pije dehëse. Do të jetë i mbushur me Shpirtin e Shenjtë që në bark të nënës.
16. Shumë bij të Izraelit do t’i kthejë te Zoti, Perëndia i tyre.
17. Do të vijë përpara Zotit me shpirtin dhe fuqinë e Elias, për t’i kthyer zemrat e etërve drejt bijve dhe kryeneçët në urtinë e të drejtëve, për t’i bërë gati Zotit një popull të përgatitur».
18. Zakaria i tha engjëllit: «Si do ta marr vesh këtë gjë? Se unë jam i vjetër dhe gruaja ime e moshuar».
19. Engjëlli iu përgjigj: «Unë jam Gabrieli, që rri në praninë e Zotit dhe jam dërguar për të folur me ty dhe për të të dhënë këtë lajm të mirë.
20. Ja, ti do të mbetesh memec dhe nuk do të mund të flasësh deri ditën kur do të ndodhin këto gjëra, sepse nuk u ke besuar fjalëve të mia, që do të përmbushen kur t’u vijë koha».
21. Populli priste Zakarian dhe ishte i habitur për vonesën e tij në tempull.
22. Po kur doli, ai nuk mundi t’u fliste dhe ata e kuptuan se kishte parë një vegim në tempull. Ai u bënte shenja dhe nuk fliste dot.
23. Kur u mbushën ditët e shërbesës së tij, Zakaria u kthye në shtëpi.
24. Pas këtyre ditëve, Elizabeta, gruaja e tij, mbeti shtatzënë dhe për pesë muaj rrinte fshehur dhe thoshte:
25. «Kështu bëri për mua Zoti në ditët kur hodhi sytë mbi mua, për të më hequr turpin para njerëzve».
26. Në muajin e gjashtë engjëlli Gabriel u dërgua nga Perëndia në një qytet të Galilesë me emrin Nazaret,