11. A mund të dalë nga i njëjti burim ujë i ëmbël dhe i hidhur?
12. O vëllezërit e mi, a mund të prodhojë fiku ullinj apo hardhia fiq? Kështu, as burimi i kripur nuk mund të nxjerrë ujë të ëmbël.
13. Cili nga ju është i urtë e i mençur? Ai le ta tregojë këtë me sjelljen e tij të mirë dhe me veprat e bëra me butësi e urti.
14. Nëse keni në zemër smirë të hidhur dhe shpirtin e grindjes, mos u mburrni dhe mos gënjeni kundër së vërtetës.
15. Kjo lloj urtie nuk vjen nga lart, por është tokësore, shqisore e djallëzore.
16. Atje ku ka smirë e grindje, ka trazirë dhe gjithfarë gjërash të liga.
17. Ndërsa urtia që vjen nga lart së pari është e pastër, pastaj paqësore, e butë, e bindur, plot me mëshirë dhe me fryte të mira, e paanshme dhe jo hipokrite.
18. Fryti i drejtësisë mbillet paqësisht nga ata që bëjnë paqen.