29. Ai që ka nusen është dhëndri, ndërsa miku i dhëndrit që rri dhe e dëgjon, ngazëllehet nga zëri i dhëndrit. Ky pra është gëzimi im dhe tani është bërë i plotë.
30. Krishti duhet të rritet, ndërsa unë të zvogëlohem.»
31. «Ai që vjen nga lart është mbi të gjithë, ndërsa ai që vjen nga toka është prej tokës dhe flet për gjërat e saj. Ai që vjen nga qielli është mbi të gjithë
32. dhe dëshmon për atë që ka parë e ka dëgjuar, por askush nuk e pranon dëshminë e tij.
33. Kush pranon dëshminë e tij, pohon se Perëndia është i vërtetë.
34. Ai që ka dërguar Perëndia, flet fjalët e Perëndisë, sepse Perëndia ia jep Shpirtin e Shenjtë pa masë.
35. Ati e do Birin dhe i ka lënë gjithçka në dorë.
36. Kush beson në Birin, ka jetën e amshuar, ndërsa kush nuk i bindet Birit, nuk do ta shohë jetën, por mbetet nën zemërimin e Perëndisë».