7. Akavafambisa nenzira yakarurama kuenda kuguta ravaizogara.
8. Vanhu ngavavonge Jehovha nokuda kworudo rwake rusingaperi, uye nokuda kwamabasa anoshamisa aakavaitira,
9. nokuti anogutsa vane nyota, uye vane nzara anovazadza nezvakanaka.
10. Vamwe vakagara murima nokusviba kwakadzika dzika, vari vasungwa vanotambudzika muzvisungo zvamatare,
11. nokuti vakanga vamukira mashoko aMwari uye vakazvidza kurayira kwoWokumusorosoro.
12. Saka akaita kuti vashande zvinorwadza; vakagumburwa, uye pakanga pasina anovabatsira.
13. Ipapo vakachema kuna Jehovha pakutambudzika kwavo, uye akavaponesa pakutambura kwavo.
14. Akavabudisa murima nomukusviba kwakadzika dzika, uye akadambura ngetani dzavo.