19. Na ofo fo‘i i le suafa o le Ali‘i le Atua, lē ‘ua fa‘aigoaina le Atua o Isaraelu.
20. ‘Ua e fa‘aputuina le auro e pei o le ‘apa,‘ua e fa‘ateleina le ario e pei o le pulu.
21. ‘Ona e punou ai lea i fafine, ‘ua fa‘apologaina oe e lou tino.
22. ‘Ua e fa‘a‘ele‘elea lou mamalu, ‘ua e fa‘aleagaina lou gafa,‘ua e fa‘atō ifo le to‘asā i luga o lau fānau, e tigā i latou ‘ona o lou fa‘avalea.
23. ‘Ua e fa‘atupuina le vaeluaina o le mālō ma le pule‘aga faigatā i le pule mai o Efaraima.
24. ‘Ae le tu‘ulafoa‘i e le Atua lona agaalofa, na te lē fa‘aleagaina ma sōloi‘esea ana galuega,na te lē fa‘aumatia i lo latou tupu‘aga o fānau a lē na ia filifilia,na te lē sōloi‘esea le gafa o lē alofa i le Ali‘i.
25. ‘Ua na tu‘u mai ni ē totoe o Iakopo, o le tātupu mai le a‘a o Tavita.