14. Lo‘u atali‘i e, ‘ia e tausi i lou tamā pe a toeaina o ia,‘aua fo‘i ‘e te fa‘a‘ono‘ono ‘iā te ia i aso o lona olaga.
15. ‘Āfai fo‘i e valevalematua, ‘ia e ‘onosa‘i ‘iā te ia, ‘aua fo‘i ‘e te tauemu i ai i le malosi o lou tino;auā e lē fa‘agalogaloina le agalelei o le tagata i lona tamā,
16. e tauia fo‘i le ‘onosa‘i i pona o le tinā;
17. o le amiotonu e atiina a‘e ai lou fale, e manatua ai fo‘i oe i le aso o le puapuagā,e tineia ai fo‘i o au agasala, e pei ‘ona liusuāvai le vaito‘a i aso mafanafana.
18. E matuā ta‘uleagaina le tagata ‘ua tu‘ulafoa‘i i lona tamā;e fetu‘uina fo‘i e le Atua lē fa‘a‘ono‘ono i lona tinā.
19. Lo‘u atali‘i e, ‘ia e fai au galuega ma le agamalū,‘ona alofagia ai lea o oe e tagata e vivi‘i atu ‘iā te oe.
20. ‘Āfai ‘ua sili lou mamalu, ‘ia atili ai lava ‘ona e fa‘amaulalo,‘ona alofagia mai lea o oe e le Atua;