Feagaiga Tuai

Feagaiga Fou

Sirako 15:8-20 O LE TUSI PA'IA - Ekalesia Katoliko Roma (RSCB)

8. E lē manatua ia e tagata talapepelo;‘ae fa‘atasia ia ma tagata fa‘amaoni,latou te manuia ai e o‘o atu i le fa‘amasinoga a le Atua.

9. E lē matagofie le vi‘iga i le gutu o le tagata agasala,

10. auā o le Atua na puna mai ai le poto; e soa le poto ma le vi‘iga o le Atua,e faula‘i lava ia i laugutu o lē fa‘amaoni, e foa‘iina mai ‘iā te ia e le Ali‘i mamana.

11. ‘Aua ne‘i e fa‘apea ifo, “O le Atua lava ‘ua ‘ou lē maua ai le poto.”Auā o mea ‘ua ‘inosia e le Atua sa lē tatau lava ‘ona e faia.

12. ‘Aua ne‘i e fa‘apea ifo, “O ia lava ‘ua na fa‘asesē ‘iā te a‘u.”Auā e lē aogā ‘iā te ia tagata amio leaga.

13. E ‘ino‘ino le Ali‘i i mea fa‘asesē uma o le amio leaga;‘aua lava ne‘i naunau i ai o ē matata‘u ‘iā te ia.

14. Na faia le tagata e le Atua i le amataga ma ‘ua tu‘ua ia i le pule a lona loto faitalia.

15. ‘Ua tu‘u atu fo‘i ‘iā te ia ana poloa‘iga māna tulafono.

16. ‘Āfai ‘ua e fia tausi i poloa‘iga, e tausia ai lava oe;‘e te tausi ai fo‘i e o‘o i le fa‘avavau i le fa‘amaoni e fiafia i ai le Atua.

17. ‘Ua tu‘u mai ‘iā te oe le vai ma le afi,‘e te fa‘aloaloa lou lima i le mea ‘e te loto i ai.

18. O i luma o le tagata le ola ma le oti, le lelei ma le leaga:o le mea e filifili i ai o ia, o le mea lava lea e tu‘uina mai ‘iā te ia;

19. auā ‘ua faula‘i le poto, o le Atua, ‘ua malosi o ia i lona mana,‘ua silasila ifo o ia i tagata uma e lē aunoa lava.

20. O fofoga o le Ali‘i o lo‘o fa‘asaga i ē amiotonu,ma ‘ua silafia e ia o galuega uma lava a le tagata.

Faitau le mataupu e atoatoa Sirako 15