18. ‘Ua iloa ‘ua fa‘amalosi o ia e ō ma ia, ‘ona lē toe fai atu ai lea ‘iā te ia.
19. ‘Ua ō ane i lā‘ua, ‘ua o‘o mai i Peteleema; o lo‘o ‘ua o‘o mai fo‘i i Peteleema, ‘ona vevesi lea o le ‘a‘ai uma ‘iā te i lā‘ua, ‘ua fai ane i latou, “O Naomi ‘ea lenei?”
20. A ‘ua fai atu o ia ‘iā te i latou, “‘Aua tou te ta‘ua a‘u o Naomi, a ‘ia ta‘ua a‘u o Mara; auā ‘ua matuā ‘o‘ona mea ‘ua faia ‘iā te a‘u e Lē ona le malosi uma lava.
21. Na ‘ou alu atu ‘ua tamao‘āiga, ‘ua fa‘afo‘iina mai a‘u e le ALI‘I ‘ua mativa; se a le mea tou te ta‘ua a‘u, o Naomi? auā ‘ua fa‘atigāina a‘u e le ALI‘I, ‘ua malaia a‘u i Lē ona le malosi uma lava.”
22. ‘Ua fo‘i mai Naomi? ‘atoa ma Ruta le Moapi, le avā a lana tama, fa‘atasi ma ia, o le na fo‘i mai mai le nu‘u o Moapi; ‘ua la o‘o mai i Peteleema i le amataga a le seleselegākarite.#