1. ‘Ua muimui le nu‘u, ‘ua leaga fo‘i lea mea i fofoga o le ALI‘I; auā ‘ua fa‘afofoga i ai le ALI‘I, ‘ona tupu ai lea o lona to‘asā; ‘ona mū ai lea o le afi mai le ALI‘I ‘iā te i latou, ‘ua fa‘aumatia ai pito toagalauapi.
2. ‘Ona tagi atu ai lea o le nu‘u ‘iā Mose; ‘ua tatalo fo‘i Mose i le ALI‘I, ‘ona pe ai lea o le afi.
3. ‘Ua fa‘aigoa fo‘i e ia lenā mea o Tapara; auā na mū ai le afi mai le ALI‘I ‘iā te i latou.
4. ‘Ua tu‘inanau lava le vao tagata ‘ese sa ‘ia te i latou, ‘ua toe tagi fo‘i le fānauga a Isaraelu, ma latou fai ane, “O ai ‘ea e fafaga ‘iā te i tatou i manu?
5. ‘Ua tatou manatu i i‘a na tatou sa‘oloto ‘ona ‘a‘ai ai i Aikupito; o kukuma fo‘i, ma meleni, ma liki, ma aniani, ma kalika;