1. ‘Ua fetalai mai fo‘i le ALI‘I ‘iā Mose, ‘ua fa‘apea mai,
2. ‘Āfai e agasala se tasi ma soli tulafono a le ALI‘I ma pelopelo atu i lē la te tuā‘oi i se mea sa tu‘uina atu ‘iā te ia e tausi, po o se feagaiga, po o se mea ‘ua faoa, po ‘ua na fa‘asauā i lē la te tuā‘oi,
3. po ‘ua maua se mea sa lē iloa, ma fa‘afiti ai, ‘ua tautō pepelo ai; a faia e se tagata se isi mea o ia mea uma, ‘ua agasala ai.
4. ‘Ua agasala ia ma ‘ua nofo sala ai, o le mea lea na te toe avatu ai le mea na ia faoa, po o le mea na ia maua i le fa‘asauā, po o le mea sa tu‘uina atu ‘iā te ia e tausi, po o le mea sa lē iloa na ia maua,
5. po o mea uma na ia tautō pepelo ai, na te toe avane le mea ‘ato‘atoa ma fa‘aopoopo i ai e tusa ma lona vaega e lima, ma avatu ‘iā te ia e ana le mea, i lea lava aso e nofo sala ai o ia.
6. Na te ‘aumai i le ALI‘I lana taulaga mo le sesē, o se mamoe po‘a mai le lafu mamoe e sao ‘ona lelei, e tusa ma lou lava fa‘atatau, e fai ma taulaga mo le sesē i le ositaulaga.
7. E faia fo‘i e le ositaulaga se togiola mo ia i luma o le ALI‘I, ‘ona fa‘amāgaloina ai lea o ia i se mea o ia mea uma ‘ua ia faia, sa nofo sala ai o ia.