25. ‘Ona poloa‘i ai lea o Iosefa e fa‘atūtūmu ‘iā latou taga i saito, ma ‘ia toe avatu a latou tupe ‘ia ta‘itasi i lana taga, ‘ia avatu fo‘i ‘iā te i latou ni oso mo la latou malaga. ‘Ua fa‘apea ‘ona faia e ia ‘iā te i latou.
26. ‘Ua latou fa‘ae‘e saito ‘iā latou asini, ‘ona latou ō ‘ese ai lea i lea mea.
27. ‘Ua tatala fo‘i e le tasi lana taga e fafaga lana asini i le mea e moe ai, ‘ona iloa ai lea e ia o ana tupe, fa‘auta, ‘ua i le gutu o lana taga.