1. Tula‘i ia, ‘inā malamalama ia,auā ‘ua o‘o mai lou malamalama;‘ua alu a‘e fo‘i le pupula o le ALI‘I i ou luga.
2. Auā fa‘auta mai, e ufitia le lalolagi i le pouliuli,e ufitia fo‘i nu‘u i le pogisā.‘Ae afio a‘e le ALI‘I i ou luga,ma le pupula o le ALI‘I e aliali mai lea i ou luga.
3. E ō mai nu‘u ‘ese i lou malamalama,o tupu fo‘i e ō mai i latou i le pupula o lou alu a‘e.
4. ‘Ia e fetepa‘i i itū uma, ma e va‘ai,o lo‘o fa‘apotopoto mai i latou uma.‘Ua latou ō mai ‘iā te oe,o au tama tane e ō mai i latou i mea mamao,e afisi fo‘i au tama fafine i lou itū.